बिरसी विमानतळावर राहुल गांधींसोबत खासदार डॉ. प्रशांत पडोळे यांची महत्त्वपूर्ण भेट

गोंदिया, ३ ऑक्टोबर २०२६ प्रतिनिधी ( चंद्रकुमार सहारे ) : किल्ल्याच्या विमानतळ, गोंदिया येथे लोकसभेतील विरोधी पक्षनेते राहुल गांधी यांची भंडारा-गोंदिया लोकसभा मतदारसंघाचे खासदार डॉ. प्रशांत यादवराव पडोळे यांनी भेट घेतली. यावेळी खासदार डॉ. पडोळे यांनी भंडारा-गोंदिया लोकसभा क्षेत्रातील विविध महत्त्वपूर्ण जनहित व विकासात्मक प्रश्नांबाबत राहुल गांधी यांना निवेदन सादर करून सविस्तर चर्चा केली.

या भेटीदरम्यान क्षेत्रातील शिक्षण, रोजगार, शेतकऱ्यांच्या समस्या, युवकांसाठीच्या संधी, ग्रामीण व शहरी पायाभूत सुविधा, आरोग्य सुविधा तसेच भंडारा-गोंदिया क्षेत्राच्या सर्वांगीण विकासाशी संबंधित विविध मुद्दे मांडण्यात आले.

क्षेत्रातील जनतेच्या समस्या व अपेक्षा राष्ट्रीय पातळीवर प्रभावीपणे मांडण्याची तसेच आवश्यक त्या विषयांवर योग्य स्तरावर पाठपुरावा करण्याची गरज यावेळी खासदार डॉ. पडोळे यांनी व्यक्त केली.

राहुल गांधी यांनी खासदार डॉ. पडोळे यांनी मांडलेले विविध विषय गांभीर्याने ऐकून घेतले. जनहिताच्या प्रश्नांवर सातत्याने प्रभावी प्रयत्न करण्याची आवश्यकता असल्याचेही यावेळी चर्चा झाली.

खासदार डॉ. प्रशांत पडोळे म्हणाले, “भंडारा-गोंदिया लोकसभा क्षेत्रातील जनतेच्या समस्या आणि विकासाच्या गरजा हीच आमची प्राथमिकता आहे. क्षेत्राशी संबंधित महत्त्वाचे प्रश्न योग्य मंचावर मांडून त्यांच्या निराकरणासाठी सातत्याने प्रयत्न करणे हे आमचे दायित्व आहे.”

राहुल गांधी यांच्यासोबत झालेली ही भेट भंडारा-गोंदिया लोकसभा क्षेत्रातील विविध जनहिताचे प्रश्न व्यापक स्तरावर मांडण्याच्या दृष्टीने महत्त्वपूर्ण ठरली.